Құқықтық статистика комитетінің ресми сайты мен ҚР Бас прокуратура есебінде «Азия Авто» АҚ және «Бипэк Авто Қазақстан» АҚ компанияларының бақылаушы акционері Анатолий Балушкинге іздеу салынатыны туралы ақпарат пайда болды.
Жағдайға қатысты нақты мәлімет берілмеді. Тек бизнесменнің ШҚО Мемлекеттік кірістер департаментінің назарына іліккені белгілі. Құзырлы органдар оның тергеуден қашқанын жазыпты.
Кәсіпкер өзі негізін қалаған қос компанияның мемлекет алдындағы қарызына байланысты салықшылардың көзіне түскен сияқты. Қарыздың жалпы сомасы 1 млрд теңгеден асады.
Еске салайық, 2020 жылы «Азия Авто» мен ҚР ИИДМ арасында автоөндірушілерге берілетін жеңілдікке қатысты жанжал болған еді. Шенділер кәсіпорыннан 174 млрд теңге өндіру жөнінде шешім қабылдады. Былтыр қарашада зауыт көлік құрастыруды доғарды, артынан дилерлік орталықтар да жұмысын тоқтатты.
Комментариев: 0