Коронавирус індеті өршіп тұрған кезеңде сұраныс ұсыныстан асып барады. Өкінішке орай, шетелде пандемияға байланысты көп өндіріс орындары жұмысын тоқтауға мәжбүр болғандықтан, жақсы өтетін модельдерді алғысы келгендер көлікке қол жеткізе алмай отыр. ҚАБА вице-президенті Анар Мақашеваның айтуынша, көлік жеткізушілердің көбі нарықты дұрыс бағаламады, жыл басында тапсырысты аз бергеннің салдары жылдың екінші жартысындағы нәтижеге кері әсер етіп отыр.
Ассоциация дерегіне сүйенсек, қазан айында дилерлер 8 637 жеңіл көлік пен жеңіл коммерциялық техника, 1 201 жүк көлігі мен автобус сатты. 2020 жылғы он айдағы нәтиже бойынша 73 246 автокөлік сатылып, нарық 24 %-ға өсті.
Өткен айда жергілікті өндірушілер көш бастады. Қостанайлық Chevrolet 2077 (+54 %) машина сатып, бәсекелестерін шаң қаптырды. Екінші орын Hyundai (1947; +9 %) еншісінде, ал үздік үштікті түйіндеген Lada 1723 (-19 %) машина сатты. 771 көлігі иесін тапқан Toyota (-29 %) төртінші орынға жайғасты. Бесінші орында Kia (371 дана; −9 %) тұр. Сонымен қатар, Қазақстандағы ең танымал көліктер тізімінде Ravon (358 дана; −42 %), JAC (268 дана; −17 %), Renault (245 дана; −2 %) Volkswagen (218 дана; −36 %), Nissan (183 дана; −35 %) және Mitsubishi (104 дана; +20 %) бар.
2020 жылдың қазан айындағы ең танымал 10 модель
Комментариев: 0