TikTok желісінде жарияланған видео кадрларынан оңтүстік астанадағы Абай даңғылымен батыс бағытта қозғалып келе жатқан жол талғамайтын көліктің Сейфуллинге жеткенде солға бұрылып, жолдың қарсы бетіне шыққанын көруге болады. Бейнежазба дәл сол күні өшірілгенмен, пайдаланушылар көшіріп алып, таратып жіберген.
Ескерту! Видеода былапыт сөздер бар 18+
Жергілікті полиция департаментінің баспасөз қызметі ереже бұзған азаматтың камера арқылы анықталып, ұсталғанын, ал оған қатысты істің сотқа жолданғанын хабарлады. Заңға сәйкес жолдың қарсы бетіне шығып кеткендер жарты жылға жүргізуші куәлігінен қағылады.
Соңғы кездері жастар арасында жолдың қарсы бетіне шығу қайта белең ала бастағанын айта кеткен жөн. Жүргізушілер өзара «кім мықтыны» анықтамақ болып, қауіпті әрекеттерін желіде жарыса жариялап жатыр.
Комментариев: 0