Үкімет отырысында премьер-министрдің орынбасары Қанат Бозымбаев Қазақстандағы аэротакси сервисіне қатысты жоспарды жария етті.
«Алатау, Қонаев қалаларын Алматымен байланыстыратын квадропорттар саламыз. Турист әуежайға қонады да, Медеуге, тау кластерінің кез келген нүктесіне және Green District қаласы бой көтеретін Қапшағай жағасына ұшып кетеді. Аэротаксилер сағатына
Қ. Бозымбаев қазір мүдделі органдар осы салада көш басында тұрған америкалық Joby және Қытайдың AutoFlight компанияларымен келіссөз жүргізіп, келісімшарт жасап жатқанын атап өтті. Екіншісі Шэньчжэнь қаласында соған ұқсас жобалар әзірлеуге кірісіпті.
Анықтама ретінде:
- Қазақстан шамамен 300 млн долларға eVTOL ұшақтарын алатыны жазылған меморандумға былтыр күзде біздің Жасанды интеллект және цифрлық даму министрлігі мен Joby Aero Inc., Alatau Advance Air Group Ltd. компаниялары және кәсіпкер Вячеслав Ким қол қойған.
- Joby Aviation, Inc. (бұрынғы Joby Aero) — 2009 жылы негізі қаланған стартап, ол тік ұшып-қонатын электрлі аэротакси жобасымен айналысады. Компания инвесторлардан миллиондаған доллар жинап алғанмен,
бірде-бір коммерциялық рейсті іске қосқан жоқ, дегенмен мұны биыл істейміз деп уәде беріп отыр. - AutoFlight — электрлі аппараттарын сынақтан өткізіп, коммерциялық рейске дайындап жатқан компания. 2024 жылы Шэньчжэнь, Чжухай қалаларында өнімдерін көрсетті. Тест кезінде аэротакси 20 минутта 5 шақырым ұшты. Сынақ сәтті өтсе де, сервис қашан жұмыс бастайтыны әлі беймәлім.
Комментариев: 0