Жыл сайын қаңтарда жаңа машина аз сатылады, биыл да солай болды. Оның үстіне жыл басындағы елдегі тәртіпсіздік, утилизациялық алым жинауды уақытша тоқтату және тасымалдау мәселесі нәтижеге айтарылқтай әсер етті.
Қаңтарда жеңіл коммерциялық көліктер, 161 дана жүк көлігі, арнайы техника және автобустарды қоса есептегенде жалпы 3755 жаңа машина сатылды. Бұл 2021 жылғы қаңтармен (8342 дана) салыстырғанда 53 %-ға аз. Ал былтыр желтоқсанда 10 723 автомобиль иесін тапқан еді.
Қаңтарда автонарық көшбасшысы ауысты. Бірінші орынға 1417 машинасы өткен Hyundai шықты. Екінші қатарға Toyota (497) жайғасты. Ал 2021 жылы ең көп сатылған Chevrolet (321) үшінші сатыға сырғыды. Үздік бестікке Kia (274) мен Lada (234) енді.
2022 жылғы қаңтар қорытындысы бойынша жаңа көліктер нарығындағы үздік 10 марка
| Орын | Марка | 2021 жылғы 1 айдағы сатылым (дана) |
| 1 | Hyundai | 1417 |
| 2 | Toyota | 497 |
| 3 | Chevrolet | 321 |
| 4 | Kia | 274 |
| 5 | Lada | 234 |
| 6 | Renault | 167 |
| 7 | Nissan | 147 |
| 8 | Haval | 112 |
| 9 | Volkswagen | 104 |
| 10 | JAC | 101 |
Танымал модельдер тізімінде Hyundai-нің екі моделі Elantra седаны (496 дана) мен Tucson кроссовері (274) көш бастады. Үздік үштікті Toyota Camry (238) түйіндеді. Одан кейін «хёндэнің» тағы екі моделі Accent (227) пен Creta (215) жайғасқан. Былтыр ең көп сатылған Chevrolet Cobalt (138) пен Nexia (110) алтыншы және оныншы орынға ие болды. Сондай-ақ Kia Sorento (131) қаңтарда үздік ондыққа еніп, жетінші қатардан көрінді.
Комментариев: 0