Көлік министрінің міндетін атқарушы 29 маусымда бұйрыққа қол қойды. Құжатқа сай биыл 10 шілдеден бастап жүргізушілер Қаншеңгелден Күрті ауылына дейінгі IБ категориялы жолдың 80 шақырымын бір бағытта жүріп өткені үшін мынадай мөлшерде ақы төлейді:
- жеңіл көлік үшін кейінгі төлем — 290 теңге, алдын ала төлем — 251 теңге;
- орын саны 16-дан аспайтын автобус және 2.5 тоннаға дейін жүк көтеретін жүк көлігі үшін кейінгі төлем — 735 теңге, алдын ала төлем — 628 теңге;
- орын саны 32-ден аспайтын автобус және 5.5 тоннаға дейін жүк көтеретін жүк көлігі үшін кейінгі төлем — 1450 теңге, алдын ала төлем — 1238 теңге;
- орын саны 32-ден көп автобус және 10 тоннаға дейін жүк көтеретін жүк көлігі үшін кейінгі төлем — 2175 теңге, алдын ала төлем — 1847 теңге;
- 10 тоннадан 15 тоннаға дейін жүк көтеретін жүк көлігі үшін кейінгі төлем — 2920 теңге, алдын ала төлем — 2485 теңге;
- тіркемесі барын қоса алғанда, 15 тоннадан артық жүк көтеретін жүк көлігі, ершікті тартқыш үшін кейінгі төлем — 3636 теңге, алдын ала төлем — 3095 теңге.
Жергілікті жүк көліктері мен автобустар үшін жүк көтергіштігі мен орын санына қарай 2-10 АЕК тұратын айлық абонемент бар.
Ақылы жолға жақын маңда тұратындар жылдық абонемент сатып ала алады. Жеңіл көлік иелері 1 АЕК, автобус пен жүк көлік жүргізушілері 20-100 АЕК төлейді.
2026 жылы 1 АЕК — 4325 теңге.
10 шілдеден бастап Алматы — Астана тас жолының Қарағанды — Бурылбайтал бөлігінде де ақы сұралады. Демек Алматыдан Қарағандыға жеткенше жол ақылы болады.
Комментариев: 0