«Бұл аймақта біз жалғыз ел емеспіз, барлығында жанармай бағасы біздікінен жоғары. Мемлекеттің барлық субсидиясы өзге ел экономикасына түсіп жатыр. Біз не тарифті біртіндеп көтеріп, нарықты реттейміз, не ауыл-аймақ инфрақұрылымсыз қалады», — деді Қасым-Жомарт Тоқаев елдің әлеуметтік-экономикалық дамуы жөніндегі кеңесте.
Президент жанармай бағасын өсіруден түскен қаржы алыпсатарлар қалтасында кетпей, жаңа мұнай-газ жобаларын жүзеге асыруға және мұнай өңдеу зауыттарын жөндеуге жұмсалуы керек екенін атап өтті.
Мемлекет басшысы үкіметке мұнай өнімдерінің бағасын қайта қарау кезінде салық мөлшерін арттыру бойынша қосымша шаралар қабылдауды тапсырды.
12 сәуірде Энергетика министрлігі жанармайдың бекеттердегі шекті бағасын белгілеу жөніндегі бұйрыққа өзгеріс енгізді. Құжатқа сай жаңа баға мынадай болады:
- АИ-92 және АИ-93 маркалы бензин литрі — 205 теңге;
- дизельдің литрі — 295 теңге.
Жанармай бекеттері 15–16 сәуірде бағаны көтере бастады.
Комментариев: 0