Хайпқұмарлар желіні шулатты. Бұзақылар жолдың ортасында екі орындық қойып, шахмат ойнаған. Басқа көліктер айналып өтсін деп машинасын жол ортасына қойды.
Тәртіп сақшылары әлгілердің меселін бірден қайтарды. Пранкерлер Бостандық ауданына қарасты бөлімшеге жеткізіліп, мынадай баптар бойынша айыппұл арқалады:
- ҚР ӘҚБК 606-бабы «Жол жүрiсiне қатысушының жол жүрiсi қағидаларын авариялық жағдай туғызуға әкеп соққан бұзушылығы»;
- ҚР ӘҚБК 594-бабы «Жол қиылыстарынан өту қағидаларын бұзу немесе жолдың жүру бөлiгiн кесiп өту»;
- ҚР ӘҚБК 615-бабы «Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы»;
- ҚР ӘҚБК 591-бабы «Көлiк құралын басқару кезiнде жүргiзушiнiң телефонды не радиостанцияны пайдалануы».
Осындай есерсоқтардың бірі індет өршіп тұрған шақта метроға кіріп, вирус жұққан адамдай қатты жөтеліп, жұрттың зәресін алған еді. Жолаушылар оның қалжыңын түсінбей, «ақылы тасыған» жігітті соққының астына алған. Ал полицейлер оны 10 күн түрмеге қамады.
Комментариев: 0