Porsche V8 моторын топтамада қалдырады

Car Sales өкілімен сұхбаттасқан Panamera топтамасының жетекшісі Томас Фреймут екі турбокомпрессоры бар 4 литрлік бензинді мотор Еуро-7 талаптарына сәйкес келетінін айтты. ЕО-да 2030 жылдың шілдесінен бастап күшіне енетін экологиялық стандарттың кейбір ережесі жеңілдегеннен кейін компания гибрид қозғалтқыш қосуды қажет етпеді.

Еуро-7 стандарты шығарындыдан бөлек, шу деңгейін басуды көздейді. Сол себепті компания V8-ді әлдеқайда тыныш қылуға мәжбүр. Өйткені қуатты спорткар дыбысымен ерекшеленеді.

Porsche моделінің көбі электрлі болатынын ескерсек, V8 Panamera флагманының эксклюзив артықшылығы болады.