Porsche 911 Turbo-дан қымбат ескі BMW M5

АҚШ-тың Цинциннати қаласында 2003 жылғы BMW M5 сатылып жатыр. Дилер оны 299 990 долларға беруге дайын, бұл елде жаңа Porsche 911 Turbo-ны бұдан 100 мың доллар арзан алуға болады. Коллекцияда тұрған спортседанның жағдайы өте жақсы, сол үшін бағасы да жоғары.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Сатушы BMW M5 небәрі 1200 шақырым жол жүргенін айтады. 2021 жылдың басында дилер сатып алғанға дейін машина Пуэрто-Рикода бір адамның қолында болды, иесі оны климаты жайлы жерде сақтаған.

Иесі седанды ультракүлгін сәуле әсерінен жақсы қорғағандықтан, фирмалық Imola Red бояуы әлі өшпепті. Сатушы машинаның күштік құрылымы, екі түсті былғары салоны және жүріс бөлігі зауыттан шыққан күйде сақталғанын айтты.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

«Уақыт капсуласы» қосымша аудиожүйе мен DVD ойнатқышы, жылытуға болатын алдыңғы кресло, терезе пердесі және ксенонды шам сияқты пайдалы заттармен жабдықталған. Спорткар профилактикалық тексерістен өтіпті.

BMW M5 400 ат күшіне ие 4.9 литрлік V8 моторымен жүреді. Ол 6 сатылы механикамен жұмыс істейді. Машина артқы жетекті.

Автомобиль сирек кездеседі, сол үшін де қымбат болуы мүмкін, бірақ сатушы бұл туралы айтпапты. BMW АҚШ-та шанақ түсі осындай M5 E39-дың 505 данасын ғана сатты. 2019 жылы 15 мың шақырым жол жүрген дәл осы сияқты седанды сатушылар 150 мың долларға бағалаған.