Биыл 5 сәуірден бастап мопедшілер міндетті түрде жүргізуші куәлігін алып, көлік құралын тіркеп, мемлекеттік нөмір тағуға тиіс. Жүргізуші міндетті сақтандыру полисін рәсімдеу, техбайқау картасын алу, салық төлеу, жол ережесін сақтау сияқты талаптарды орындайды.
Алматыда мопед азайған сияқты. Алайда нөмірсіз жүргендер де бар. Енді полиция оларды қалай қадағалайды деген сұрақ туындайды. Тәртіп сақшылары тіркелгендер мен көлігін әлі есепке қоймағандарды қалай тексереді? Қалада мотобат жолға шыға ма, әлде жұмыс бейнебақылау жүйелеріне жүктеле ме?
Осы сұрақтарға жауап алу үшін редакция Алматы қаласының полиция департаментіне жүгініп, полиция қызметкерлері мен автоматты тіркеу жүйелері екі дөңгелекті көлікті кәдімгі автомобиль сияқты бақылайтынын білді. Мотобөлімше құрылмайды, арнайы батальонның мотопатрульдері жұмысын жалғастырады.
Негізгі бақылаумен бейнекамералар айналысатыны анық. Департамент мәліметінше «Сергек» кешені мотоцикл нөмірін оңай таниды. Мопедте нөмір тек артында болғандықтан артқы жағынан түсіретін камера ғана ереже бұзғандарды тіркейді. Ондай камералар Алматыда көп емес. Камералардың санын арттыру немесе бұру мәселесіне қатысты полиция әзірге нақты ақпарат берген жоқ.
Комментариев: 0