Парижде Alpine A310 Vision моделінің премьерасы өтті

1971 жылы Франция нарығына шыққан, моторы артқы бөлікте орналасқан Alpine A310 ескіре бастаған A110-ның (ралли арқылы танылған) қатарына қосылып, біршама беделді гран-турер категориясына ауысты, оның салоны 2+2 формуласы бойынша жасалған. A310 сүйір пішінді дизайны, болат қаңқасы және шыныпластик шанағымен ерекшеленді. Алғашқы жылдары машина 125–140 ат күшіне ие төрт цилиндрлі мотормен жабдықталды.

Өкінішке қарай A310 табысқа жете алмады. Патриоттар A310-ды Porsche-ге балама санағанымен, шын мәнінде «француз» сапасы мен сипаттамасы жағынан 911-ден төмен болды. Сондықтан 13 жылда модельдің небәрі 11 616 данасы жарық көрді.

1 / 8

• 
• 
• 
• 
• 
• 
• 
• 

1 / 8

Соған қарамастан, Alpine қайта жаңғырып, 2017 жылғы жаңа A110 конвейерге тұрды, содан бері модельдің 26 мың данасы сатылған. Сондықтан көпшілік A310-ның да қайта оралуын күтіп жүрді. Ақыры болжам Парижде шындыққа айналып, Alpine A310 Vision-ның тұсаукесері өтті, іс-шара түпнұсқа модельдің 55 жылдығына және V6 моторымен жүретін түрленімнің 50 жылдығына арналған.

Концепт түпнұсқа модельдің жалпақ сұлбасын сақтап қалған, шанағының ені — 2.03 метр, биіктігі — 1.18 метр. Көлбеу капоты мен дөңес дөңгелек аркасы да көне көлікті еске салады. A310-ның жылжымалы шамы, А әрпі бейнеленген фирмалық дөңгелегі және спойлері бар артқы бөлігі жаңа көзқараспен қайта жасалған. Салоны мен өзге ерекшеліктері туралы әзірлеушілер ақпарат берген жоқ.

Бренд машинаны осы қалпында көптеп шығармайтыны анық. Бірақ Alpine маркасының эксклюзив спорткар құрастыру стратегиясы аясында A310 Vision 2027–2028 жылдары жарық көретін модельге негіз болады. Күштік құрылымына келсек, автомобиль негізделетін APP модульдік платформасы батареялы және отынмен жүретін нұсқалар жасауға мүмкіндік береді, ал Vision-ның өзі — электромобиль.