Kolesa.kz редакциясына жеңілдікпен берілетін автонесие операторы Өнеркәсіпті дамыту қорының (ӨДҚ) қызметкерлері келесі кезең 20 қарашадан кейін басталатынын айтты. Қазір мамандар процесс ашық болу үшін тек онлайн өтінім қабылдайтын арнайы порталдың жұмысын тексеріп жатыр. Өтінім беру алгоритмі кейінірек белгілі болады.
Азаматтарға револьверлік жолмен қайтқан, яғни жазда қарыз алып, ай сайын төлеп отырған тұрғындардан түскен ақша беріледі. Сондықтан бұл жолы көп өтінім қабылданбайды. Қаражат таусылған соң портал жабылады да, бір айдан кейін қайта қосылады. Ол ашылатын күнді оператор алдын ала хабарлайды.
Біршама уақыт бұрын ӨДҚ бағдарлама бойынша биыл 1 қыркүйекке дейін банктер 13 307 несие мақұлдап, 11 мың автомобильдің кілтін иелеріне бергенін айтқан. Ақшаның револьверлік жолмен қайтуы жыл сайын 7.7 млн теңгелік — 1858 авто, 10 млн теңге тұратын 1430 машина алуға мүмкіндік береді. Осылайша 30 жылда елімізде 60 мыңға жуық автокөлік жаңарады.
Комментариев: 0