Осы демалыстағы жарыстар: 5–6 қыркүйекте дрифт пен картинг өтеді

Демалыс күндері Алматы — Астана тас жолының 76-шақырымында орналасқан Sokol-да Gorilla Drift турнирінің үшінші кезеңі өтеді. Бұл кезеңге серия тарихындағы ең көп қатысушы жиналып отыр (57 пилот). Оның ішінде танымал файтер Шавкат Рахмонов та бар.

Бұл серия дрифт әлеміне жаңа аяқ басқандарға арналған, мұнда қатысушылар жұп болып өнер көрсетеді. Жарысқа дайындық деңгейі төмен автомобиль мен конфигурациясы қарапайым трассалар қолданылады.

View this post on Instagram

A post shared by Gorilla Drift (@gorilladrift)

Бұл кезең екі күнге созылады. 4 қыркүйекте жаттығу сессиясы мен іріктеу өтеді. Ол 14:00-де басталады.

Негізгі жарыс 5 қыркүйекте өтеді. Шабандоздар бәйгені сағат 10:00-де бастайды. Қатысушылар шеруі мен автограф-сессияны қамтитын ресми ашылу салтанаты сағат 18:00-де болады. Дәл осы уақытта Gorilla On Air YouTube-арнасында тікелей трансляция басталады.

Жұма күні билеттер Sokol кешенінің кассасында ғана сатылады. Бағасы — 2500 теңге. Ал жексенбі күні билет бағасы манадай болады:

«Стандарт» — 2500 теңге, трибунаға шыға алмайсыз;
«Трибуна» — 5000 теңге;
«Техпарк» — 6000 теңге, қатысушылардың автомобилін жақыннан көруге мүмкіндік бар, бірақ трибунаға кіре алмайсыз.

7 жасқа дейінгі балалар тегін кіре алады, бірақ трибунадан жеке орын берілмейді. Билетті іс-шара өтетін күні кассадан немесе мына сілтеме арқылы сатып алуға болады.

Халықаралық кластағы картингтен Қазақстан чемпионаты, төртінші кезең, 5–6 қыркүйек

Дрифт сайысымен қатар Sokol-да картингтен Қазақстан чемпионатының төртінші кезеңі өтеді. Спортшылар бірнеше класта бақ сынайды: 13 жастан аспаған спортшылар қатысатын Mini класынан бастап, ең жылдам KZ-2 класына дейін. Мұндағы болидтер екі тактілі қозғалтқышпен (125 текше см) жабдықталған, олардың қуаты шамамен 52 ат күшіне жетеді және беріліс қорабы болады.

Гонки выходного дня: дрифт и картинг 5-6 сентября

5 қыркүйек, сенбіде шабандоздар жаттығу мен іріктеу кезеңінен өтеді, ал негізгі бәсеке жексенбі, 6 қыркүйекке жоспарланған. Картингтер трекке 9:00-да шығады, бәйге 11:30-да басталып, 15:30-да аяқталады (ортада бір сағат үзіліс бар).

GT Auto Fest, 6 қыркүйек

Алматыдағы Төле би көшесінің Назарбаев пен Абылай хан арасындағы бөлігінде GT Auto Fest фестивалі өтеді. Фестивальде автошоу ғана емес, стритбол, брейкинг, BMX-шоу және киберспорт жарыстары өтеді. Іс-шара 12:00-де басталады.