Демалыстағы жарыстар: Sokol SBK Cup және трек күні

Алматы — Астана тас жолының 76-шақырымында осы аптада Sokol SBK Cup сайысы болады. Мұнда Open 400, Supersport және Superbike санатында мотоциклшілер бақ сынайды.

View this post on Instagram

A post shared by Superbike Club (@sbkclubkz)

Спортшылар 16:00-де әкімшілік тексерістен өтеді, 19:00-де іріктеу процесі басталады. Содан соң көрермен бес айналымнан тұратын қысқа жарысты тамашалайды.

Кіру ақылы, құны — 3500 теңге. Сегізге толмаған балалар тегін кіреді.

Картодромда мотоциклшілер өнер көрсететін трек күні де жоспарланған. Ұйымдастырушылар оған 17:00 мен 18:30 арасында кез келген адам қатыса алады деді.

Тек мотоциклшінің жабық шлемі, арқасында, иығы мен шынтағында қорғанышы бар арнайы курткасы, тізесі қорғалған шалбары, арнайы қолғабы мен тұмсығы қатты бәтеңкесі болуға тиіс. Қатысу шарттары мен талаптары туралы толық мәлімет алу үшін мына сілтемені басыңыз.

Бағасы — 15 000 теңге.