Атлант мұхитында Азор аралдарынан 400 шақырым жерде Volkswagen AG концерніне тиесілі 4000 автомобиль тиеген Felicity Ace кемесі су түбіне кетті. Бұл жөнінде MOL Ship Management компаниясы хабарлады.
Қыстың соңғы айында Felicity Ace Германиядан шығып, АҚШ-қа бағыт алған. 16 ақпанда бортта от тұтанып, бір электромобиль жана бастайды. Сол күні кемедегі 22 адам құтқарылған. Электромобильді сөндіру арнайы құралдар мен жоғары білікті қажет ететіндіктен, жүк толы кеме жанған күйі қала береді.
Жоспар бойынша автотасығыш жанып болған соң портқа жеткізілуі керек еді, бірақ бұған дауыл кедергі келтірді. Сарапшылардың есебінше шығын көлемі 438 млн доллардан асады.
Комментариев: 0