Жазғы демалысқа байланысты халық арасында көгілдір отынның тұтыну көлемі күрт өсуде, елдің оңтүстік өңірлерінде де газ тапшы. Энергетика министрлігі Kolesa.kz редакциясына жанармай бекеттеріндегі кезек осыған байланысты деп айтты. Мәселені шешу үшін Шымкент, Түркістан және Ақтөбе облыстарына қосымша сұйытылған газ жіберілді.
Министрлік жанармай құю бекеттеріндегі газ тапшылығы қыркүйектің ортасында немесе аяғында болмайтынын атап өтті.
Осы аймақтарға арналған газ көлемін толығырақ айта кетейік.
Шымкентте халық ай сайын 7686 тонна тұтынатын болса, билік үшінші тоқсанда (шілде, тамыз, қыркүйек) 18 035 тонна бөлді және қосымша 1266 тонна жіберді. 28 тамыздағы жағдай бойынша PetroKazakhstan зауыты 5882 тонна жөнелтті, бұл жоспардың 90 %-ын құрады.
Түркістан облысының ай сайынғы қажеттілігі 14 000 тоннаны құрайды. Министрлік үшінші тоқсанда аймаққа 32 850 тонна газ бөлсе, қосымша тағы 3976 тонна жіберді. Сондай-ақ тұрақты жеткізуді қамтамасыз ету үшін «Теңізшевройл» ЖШС қорынан 5742 тонна сұйытылған мұнай газы жіберілді. 28 тамыздағы жағдай бойынша PetroKazakhstan зауыты 10 993 тонна немесе 92 % жөнелтті.
Ақтөбе облысының ай сайынғы тұтынатын мөлшері 14 600 тонна. Билік үшінші тоқсанда аймаққа 33 261 тонна бөлді, ал қосымша жоспар аясында 2683 тонна берді.
- «СНПС-Ақтөбемұнайгаз» АҚ — 5913 тонна (93 %);
- «Қазақойл Ақтөбе» ЖШС — 2149 тонна (97 %);
- «Gas Processing Company» ЖШС — 3323 тонна (86 %).
Ай сайын 8000 тонна қажет ететін Алматыға министрлік үшінші тоқсанда 18 772 тонна бөлді, сонымен қатар тамызда оңтүстік астанаға қосымша 504 тонна жіберді. 2 қыркүйектегі жағдай бойынша PetroKazakhstan зауыттары 267 тонна жөнелтті, бұл жоспардың
Мегаполис әкімдігінің мәліметінше 2 қыркүйектегі жағдай бойынша өңірде сұйытылған мұнай газдың жалпы қалдық қоры 846 тоннаны құрады, ал тәуліктік қажеттілік — 260 тонна. Қаладағы жағдай тұрақты.
Сіздің көлігіңіз газбен жүре ме? Қиындықтарға тап болдыңыз ба?
Комментариев: 0