Биыл қарашаның басында Ақтөбеде бес адам көлігінің резеңкесін ауыстырам деп қылмыскердің құрығына түсті. Полиция департаментінің дерегінше әккі қулар желі арқылы хабарландыру беріп, қысқы шинаны арзан сатамыз әрі тегін жеткіземіз деп уәде еткен.
«Сатушы алдымен тауардың ақшасын төлеуді не оны брондауды сұраған. Бірақ ақша түсе сала байланысты үзіп, хабарландыруды жойыпты. Сөйтіп көлік иесі ақшадан да, шинадан да айырылған», — деді полицейлер.
Алаяқтардың кесірінен келген шығын миллион теңге шамасында. Тәртіп сақшылары онлайн сауда жасағанда аса сақ болу маңызды деп ескертті. Алдын ала ақша жібермей, хабарландырудың шынайы екеніне, сатушыға сенім артуға болатынына көз жеткізу керек.
Пікірлер: 0