Нью-Йорк билігі ереже бұзғандардың көлігіне жылдамдық шектеуіш орнатады

Нью-Йорк билігі жылдамдық режимін сақтамайтын жүргізушілердің өмірін айтарлықтай қиындататын Stop Super Speeders Act деп аталатын заңнама дайындап жатыр.
Құжатта көлікке GPS-навигация арқылы жолдағы рұқсат етілген жылдамдықты анықтайтын және оны бағдарлама көмегімен сағатына 5 мильден (8 км/сағ) асырмайтын арнайы құрылғы орнату туралы жазылған.

Бұл шара 24 айда кемінде 11 айып ұпайын жинаған немесе бір жыл ішінде тек жылдамдық асырғаны үшін емес, бағдаршам сигналын елемегені үшін де камераға 16 рет түскендерге қолданылады.

Құрылғыны иесі өз қалтасынан орнатады, ол шамамен 1000 доллар (520 мың теңге) тұрады.

Заң шығарушы орган штат губернаторы бұл құжатты мақұлдаса, полиция 3000-4000 тұрғынның жылдамдығын шектейді деді.

Бұл Америкадағы шенеуніктердің алғашқы бастамасы емес. Былтыр дәл осындай шара Вашингтонда, Колумбия округінде талқыға түсті. Олар ұсынған жаза бұдан қатаң. Тәртіп сақшылары бірінші рет ереже бұзған тұрғынның көлігіне шектеуіш орнатпақ болды.