Вашингтондағы Колумбия округінде жылдамдық сақтамайтын жүргізушілер үшін ерекше жаза енгізу көзделіп отыр. Заң шығарушы орган ереже бұзғандардың көлігіне белгідегі жылдамдық шегінен асуға мүмкіндік бермейтін электроника орнатқысы келеді.
Болжам бойынша жылдамдықты бірінші рет асырған жүргізушіге шектеуіш бір жылға қойылады. Екінші рет қайталанса 2 жыл жүреді. Полицейлер төртінші рет ұстап алса электронды жүйемен өмір бойы жүруге мәжбүр болады.
Бұл заң жобаның қазіргі нұсқасына сәйкес жылдамдық шектеуішті ереже бұзушы өз қалтасынан орнатады. Жаңа норманың күшіне енуі не енбеуі қала мэрі мен Америка конгресіне байланысты.
Жаңа автомобильдердің көбінде жылдамдық басқаратын интеллектуалды жүйе зауыттан бірге шығады. Кейбіреулері жылдамдық шегін қолмен орнатуды қажет етеді, ал басқалары камера арқасында белгілерді көріп, бейімделе алады. Дегенмен оларды пайдалану жүргізушінің еркінде қалады.
Мұндай шараға қалай қарайсыз?
Комментариев: 0