Қараша айының басында Нұр-Сұлтан әкімдігі астанадағы тұрақтардың заңсыз қызмет еткенін, одан түскен ақшаны «Парковочное пространство Астаны» ЖШС-і өз шотына аударғанын мәлімдеді. Әкімдік өкілдерінің сөзіне сенсек, тек Нұржолдағы тұрақтың жұмысы заңға қайшы емес. Енді олар сот арқылы келісімшарттың күшін жоймақ.
«Парковочное пространство Астаны» ЖШС-і де үнсіз қалмады. Компания директоры Шыңғыс Досыбаев әкімдікт тарапынан еш талап арыз бен келісімшартты бұзу жөнінде ескерту келмегенін хабарлады. Досыбаевтың айтуынша, жұмыстың бәрі бекітілген тәртіп бойынша атқарылды, ал ақша мен салық бюджетке төленді. 4 қарашада компания қазынаға 600 млн теңге құйған.
«Парковочное пространство Астаны» ЖШС-і шенділерді келісімшартта көрсетілген міндетті орындамады деп айыптады. Шарт бойынша Нұржолдағы тұрақты 487 орыннан 10 000 орынға дейін кеңейтуі тиіс болған. Әкімдік 2017 жылдың 22 маусымында қабылданған «Астанадағы тұрақ үшін ақы алатын және көліктің тұрақтағы уақытын анықтайтын арнайы сертификатталған құрылғылармен жабдықталған орындарды анықтау туралы» қаулыға 2018 жылы түзету енгізуі тиіс еді, бірақ шарттағы бұл талап орындалмаған.
Комментариев: 0