Астаналық полиция жол ережесін 351 рет бұзып, жеті миллион теңгеге жуық айыппұл арқалаған жүргізушінің ұсталғанын хабарлады. Ол Қырғызстан азаматы екен. Polisia.kz ақпаратына сүйенсек, оған 274 айыппұл — жылдамдық режимін бұзғаны үшін, 77 айыппұл — қоғамдық көлікке арналған жолаққа шығып кеткені үшін салынған. Ұсталған сәтте жүргізушінің атына өзі тізгіндеген Subaru Outback-ке стандартқа сай келмейтін бәсеңдеткіш орнатқаны үшін тағы бір хаттама толтырылды.
Айта кетерлігі, жол ережесін елемейтін шетелдік тәртіп сақшыларының назарына ілікпеген, полицейлер ол туралы «Жолда қабылдау» акциясы аясында таксистен біліпті.
Комментариев: 0