Желіде той кортежі түсірілген бейнежазба тарады, көліктер арасында артпен қозғалып келе жатқан Volkswagen Passat CC көлігін байқауға болады. Оның үстіне, ішіндегі жолаушылар қауіпсіздік белдігін тақпай, есікте отыр.
Полиция хабарлағандай, ереже бұзған жүргізуші анықталып, айыппұл арқалады. «Фольксвагенді» тізгіндеген 20 жастағы азаматтың атына артпен жүргені үшін ғана емес, апаттық жағдай туғызғаны, жол белгілері және жолаушы тасымалдау талаптарын сақтамағаны, техникалық тексерістен өтпегені, тіпті мемлекеттік нөмірі мен құжаттарының болмағаны үшін 8 хаттама толтырылып, 134 мың теңге көлемінде айыппұл салынды.
Комментариев: 0