Оқу жылы аяқталысымен әлеуметтік желі әдеттегідей түлектер қатысқан бейнежазбаларға толады.
Жаңаөзенде түсірілген ролик полицейлердің назарына ілікті. Онда оннан аса көліктің қатар келе жатқаны байқалады. Аракідік терезеден басын шығарғандар түлектер тағатын лентаны бұлғаңдатып қояды.
Маңғыстау облыстық полиция департаментінің баспасөз қызметі 18 бен 25 жас аралығындағы 16 жүргізуші анықталып, белдік тақпағаны және куәліксіз көлік тізгіндегені үшін жазаға тартылғанын хабарлады.
Ал Қарағандыда мектеп бітірушілердің серуені жол апатымен аяқталды. Кәмелетке толмаған азамат тізгіндеген Škoda Superb облыстық әкімдіктің бетон қоршауына соғылды. Болжам бойынша, жүргізуші рөлге ие бола алмай қалған.
Бозбала куәліксіз машина айдағанымен қоймай, жол-көлік оқиғасына себеп болғаны үшін 40 АЕК көлемінде айыппұл төлеуге міндеттеледі. Сонымен қатар, оның атына оқиға орнын тастап кеткені үшін де хаттама толтырылуы мүмкін.
Комментариев: 0