Елдің орталық және солтүстік өңірлерінде қыс қаһарына мінді. Апта бойы үздіксіз ұйтқыған боран қала көшелерін қарға көмген.
ТЖД бүгін, 27 қаңтар күні дауыл болатынын ескертті. Елорда тұрғындары мен қонақтарына сақтық танытып, ауа райының өзгерісі, енгізілген шектеулер туралы ақпараттарды қадағалап, қала сыртынан шықпауға кеңес берді.
Нұр-Сұлтаннан шығатын жолдардың бәрі жабық, қаладан шығар жерлерді полицейлер күзетуде. Қазгидромет берген мәлімет бойынша ертең бұрқасынның беті қайтуы тиіс.
***
«Қазавтожол» ҰК" АҚ-ның баспасөз қызметі хабарлағандай, 26 қаңтар күні 15:00-де жол мамандары Щучинск — Нұр-Сұлтан бағыты бойынша көліктер тізбегін құрған. Машиналарды полицейлер алып жүреді, ал алдыңғы жақта көше тазартатын арнайы техника келе жатады. Бірақ асыққан Land Cruiser 200, Lada 2114 және екі Daewoo Nexia жүргізушілері тізбектен шығып, бір-бірін басып озбақ болған. Нәтижесінде олар жол апатын жасады. Ауа райының қолайсыздығынан алдыңғы қатардағы көліктер тым баяу қозғалса, 150 машинадан тұратын тізбектің екінші бөлігі тоқтауға мәжбүр болды.
«Қазавтожол» ҰК" АҚ берген ақпаратқа сәйкес, қазіргі уақытта елде 9 облыстағы тас жолдардың жалпы ұзындығы 7 429 шақырымды құрайтын 61 бөлігі, яғни үштен бір бөлігі жабық.
Комментариев: 0