Қазақстанда лимузин рөлін Lexus LX, Hummer H2, Infiniti QX секілді жол талғамайтын көліктер атқарады, ал Норвегияда Toyota Camry-дің дөңгелек базасы өте ұзын түрленімі жасалды. Лимузинге елдегі марканың ресми өкілі тапсырыс берген көрінеді.
Машина 1986-1991 жылдары шыққан Camry V20 негізінде жасалған. Көлік нұсқасына байланысты 119 немесе 126 ат күшін беретін 2 литрлік бензинді мотормен жүреді. Ол механикамен жұптаса жұмыс істейді және айналу моментін алдыңғы дөңгелектерге береді.
Салоны былғарымен қапталмапты. Орындық қабы көк велюрден тігілген. Ішіне жеті адам сыяды. Жүргізуші орындығының дәл артында мини-бар орналасқан. Артқы қатардағы тозығы жеткен диванды айтпағанда 35 жастағы (164 мың км жүрген) көлік үшін интерьердің жағдайы жаман емес.
Бұл лимузин сатылады. Ол 189 000 Норвегия кронасына (мөлшермен 9.2 млн теңге) бағаланып отыр.
Комментариев: 0