Nissan Xterra қайта жолға шыға ма?

Nissan дағдарысқа қарсы жұмысын жалғастырып жатыр, сол қатарда Xterra-ны қайта шығару жоспары бар. Компания жаңа өнімнің бір ғана суретін жариялады, ол концепт сияқты.

Суреттен Xterra-ның бедерлі капоты, оның жиегінде орналасқан күндізгі жүріс шамы және екі деңгейлі жарық техникасы байқалады.

Автомобильдің техникалық бөлігі туралы ақпарат аз. Тек рамалы жол талғамайтын көлік болатыны әрі V6 моторымен жүретіні белгілі. Бірақ бұл агрегат әлі толық дайын емес, ол жеке де, гибрид жүйе құрамында да жұмыс істей алады.

Nissan жол талғамайтын көліктер топтамасын кеңейту барысында Xterra-мен шектелмейді. Бұл машинаның платформасы мен агрегат базасы негізінде кемінде бес жаңа модель (арасында пикап бар) жарық көреді.