2025 жылғы сәуірден бастап мопедті тіркеу міндетті болады. Осыған орай Kolesa.kz редакциясы олар техникалық тексерістен қалай өтетінін анықтау барысында заңнамада олқылық барын байқады.
Қазақстанда мотоцикл жыл сайын диагностикадан қалай өтетіні туралы параметр белгіленбепті. Мопед және басқа да мототехникалар туралы дерек жоқ. Ал елде техбайқау картасы болмаса, жолға шығуға болмайды.
Техникалық терксеріс жүргізу ережесіндегі зиян газ немесе шу шығару деңгейіне қойылатын талап Кеден одағының 2011 жылғы «Дөңгелекті көлік құралының қауіпсіздігі туралы» техникалық регламентке сүйенеді. Бірақ құжатта пайдалануға берілетін мотоцикл мен мопедтің параметрі ғана жазылған. Ал қолданыстағы техника жайлы бір ауыз сөз жоқ.
Демек біздің заңнамада он жылдан бері олқылық бар: мотоцикл техникалық тексерістен өтуге міндетті, бірақ олар нақты қандай талапқа сай болуы керек екені белгісіз.
Біздің елде автомобиль техникалық тексерістен қалай өтетіні ешкімге құпия емес: жүргізуші ақысын төлеп, диагностикалық карта алады да бір жыл бойы алаңсыз жүре береді. Бірақ автомобильдің техникалық
Алматы мен облыстағы кейбір мотоциклші бір жылдан бері техникалық тексерістен өтпей жүргені туралы ақпарат бар. Өйткені базада кейбір мотоцикл моделі жоқ екен. Полиция да мәселенің бәрі деректер мен ережеге тіреліп тұрғанын біледі.
Басты беттегі фото біздікі емес. Редакция екі дөңгелекті техниканы стендте тексеру сәтінен ешбір ақпарат таба алмады.
ҚР Көлік министрлігінің көлікті бақылау басқармасы Kolesa.kz редакциясының уәжімен толық келіседі. Олар мәселені тез арада шешуге уәде берді. Бірақ нақты қалай шешетіні белгісіз.
Ол үшін не қолданыстағы халықаралық техникалық регламентке өзгеріс енгізу немесе жаңа стандарт дайындау қажет екені түсінікті. Бірақ техникалық құжат жасаған кезде қолданыстағы мотоцикл мен мопед параметрін жаңа техникадан көшіріп алуға болмайды. Бір сөзбен айтқанда мототехниканы техникалық тексерістен өткізу стандартын жасау оңай жұмыс емес, осының бәрін 2025 жылғы сәуірге дейін нақтылау қажет.
Қазақстанда 2012 жылы техникалық тексеріс жеке қолға өтіп, полицияның көлік құралын тексерудегі монополиясы жойылды. Ал 2015 жылы техникалық тексерістің қалай өтетінін белгілейтін жаңа ереже қабылданды.
Елде техникалық терксеріс формалды өтетіні, сол үшін салада тәртіп орнағанша техбайқаудан өту талабын тоқатата тұру қажеттігі туралы бір емес, бірнеше рет мәселе көтерілген. Депутаттар мен сыбайлас жемқорлыққа қарсы белсенділер техникалық тексерісті жоюды ұсынып жүр. Бірақ көлік министрлігі мұндай ұсыныстан әр жолы бас тартып, автомобильді тексеру қажет екенін, өйткені жол қауіпсіздігі бәрінен маңызды екенін еске салады.
Қазақстанда неше мотоцикл бар?
Редакцияда ең жаңа мәлімет жоқ. ҚР ІІМ 2021 жылы Қазақстанда 61 670 мотоцикл бар екенін хабарлаған. Оның көбі Алматы және Шығыс Қазақстан облысы мен Алматы қаласына жүр. Әрине, үш жылдан бері елде мототехника саны әлдеқайда өскені анық.
Комментариев: 0