Mitsubishi Ресейде шығарылған 4 950 дана Outlander кроссоверінің кері қайтарылатынын хабарлады. Қызметтік кампанияға сым жүйесіндегі ақау себеп болған. Аккумуляторға жалғанған кабельдердің бірі қатты қызып кетіп, нәтижесінде көлік тұтануы мүмкін екен. Бұл мәселе 2018 жылдың наурыз және тамыз айларының аралығында сатылған көліктерге қатысты.
«MMC Рус» ЖШҚ-ның қызметкерлері жол талғамайтын көлік иелеріне хабарласып, қызмет көрсету орындарына шақыруға тиіс, онда көліктер тексерістен өтіп, кабельді ауыстыру қажеттігінің бар-жоғы анықталады. Аталған жұмыстардың барлығы ақысыз жүргізіледі.
Калугадағы зауытта құрастырылған дәл сондай Outlander көліктерінің қазақстандық нарықта да бар екенін атап өткен жөн. Наурыздан тамызға дейін темір тұлпардың 143 данасы сатылған болатын. Көліктеріңіздің бұл тізімде бар-жоғын мына сілтеме арқылы біле аласыздар.
Опасная неполадка