«Алматы Туры — 2018», бесінші мерейтойлық шығарылымының дәстүрін қайталай отырып, тағы да көпкүндік жарыс форматында өтті. Бұл жолы да шара кептеліссіз болмады. Қалалық кезеңнің алғашқы күні көлік коллапсымен есте қалды. Навигация жүйелерінің күрең қызыл және қара түсті бағыттары мен өшпенділікке толы пікірлерден көз сүрінеді.
Пікірлерге сенсек, тұрғындар алдағы «күздің басты шарасынан» хабарсыз болған сияқты, пікір білдірушілердің басым бөлігі кәсіби веложарысты кезекті велосипед жарысы деп ойлаған екен.
Ал білгендері болса, қозғалысты ұйымдастыруға міндетті тәртіп сақшыларының жұмысына таңданды. Әрине, көп адам жұмысынан кешігіп, тіпті кейбірі маңызды кездесулер мен іс-шараларға жете алмай қалды емес пе.
Бұл шара тіпті велосипед тепкенді жаны сүйетін жандарға да ұнай қоймапты. Facebook желісіндегі «Вело-Алматы» тобында кептеліс жасаушыларға қатысты жағымсыз пікір қалдырғандар аз емес. Мысалы, велосипедпен жүргенді ұнататын Николай Шевченко веложарыстар қаладағы бүкіл қозғалысты шектеуге себеп болмауы тиіс екенін жазады:
«Шығыс айналма жолының бойымен жоғары қарай, Луганский көшесінің төменгі тұсындағы тоннельге дейін жалғасқан кептеліске куә болдым. Ең болмаса, Төле бидегі көліктерді іріктеуге болмайтын ба еді?! Достық даңғылымен түсіп келе жатқандар Әл-Фараби даңғылында кептеліп қалып, кете алмады, өйткені полиция ешкімді ешқайда өткізбеді, ал болуы мүмкін қозғалыстың бағыты жайлы ақпарат берілген жоқ».
HR-сарапшы Дана Фербер 100 000 автокөліктің бір жарым сағат көлемінде кептелісте тұруы ұлттық экономикаға қаншалықты шығын келтіретінін есептеген. Бұл сома айтарлықтай — 2 млрд 200 млн теңгені құрайды екен. Нақтырақ мәлімет сарапшының Фейсбуктегі парақшасында жарияланған.
«Халық Арена», «Алматы Арена» сынды жаңа ірі стадиондардың маңында орын барда, орталықты толықтай жабудың не қажеті бар?! Неге қала тұрғындарына ақпарат толық берілмейді?!
Ал егер әлдекімдерді қызықтырса, айта кетейік, «Астана» командасының мүшесі Давиде Виллелла «Алматы Турының» бас жіктелімінде жеңіске жетті. Көпкүндік жарыстың алғашқы күні ол бірінші болып келсе, екінші күні үшінші орынға тұрақтаған.
Комментариев: 0