2020 жылдың көктемінде КАМАЗ кәсіпорны кабинасы Mercedes-Benz Actros BM963-тен алынған алғашқы моделін сата бастады. Ол КАМАЗ-54901 болатын. Енді 6595 индексіндегі жүк машинасы жарық көрді.
6595 әзірше прототип, оны шығару технологиясын тексеру үшін құрастырған. Процесс барысында шеберлер инженерлерге электрлі бұрау салу, кронштейндер мен бекіту материалдарын ауыстыру сынды ұсыныстар айтты.
К5 кабинасы 6595 үшін кішірейтіліп, ені 200 мм-ге қысқарды. Жаңа жүк көлігі таулы және құмды кен орындарында жұмыс істеуге арналған. 26 тонна жүк көтере алады. Машина КАМАЗ P6 турбодизелінің көмегімен қозғалады. Агрегат қоры 1 500 000 шақырымға жетеді. Модельдің қашан жаппай өндіріле бастайтыны хабарланбады.
Жуырда топтама құрамындағы тағы екі модельдің тестілік өндірісі басталады. 65952 және 65951 индексіндегі жүк көліктері аса ауыр жүк тиейді әрі өтімділігі жоғары.
Комментариев: 0