Mercedes-Benz электрлі CLA концептісін көрсетті

Мюнхенде өткен IAA 2023 көрмесінде Mercedes-Benz жұртқа Concept CLA-Class деп аталатын прототипті көрсетті. Ол MMA платформасына негізделген.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Көлік сырттай 2014 жылдан бері шығып жатқан төрт есікті CLA купелеріне ұқсайды. Бірақ дизайнерлер капотын сәл ұзартып, жүсалғышын аздап қысқартып, спорттық кейіп берген. Оптикасының 3 сәулелі Mercedes-Benz жұлдызын құратын күрделі пішіні мен жел әйнегіне ұласатын панорамалы төбесі көз тартады.

Интерьерін әрлегенде қайта өңделген шикізат қолданған, ал салон сәулеті Vision EQXX концептісін еске салады. Дизайнерлер ірі ауа тартқышты климат-бақылау жүйесінің басқару элементіне айналдырған. Қалған функциялар MB.OS операциялық жүйесімен жұмыс істейтін үш дисплей арқылы бапталады.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Mercedes-Benz концептінің сериялы нұсқасы келер жылдың аяғында жолға шығатынын хабарлады. Көліктің жүріс қоры 750 шақырымға жетеді екен. 800 вольттық батареясы машинаны жылдам қуаттауға мүмкіндік береді. Модель электромотор мен 2 сатылы трансмиссиядан тұратын MB.EDU блогымен қозғалады. Қуаты 235 ат күшіне тең.

Бренд таныстырған концепт артқы жетекті, бірақ MMA платформасына екі моторлы күштік құрылым орнатуға болатынын ескерсек, гаммаға толық жетекті CLA қосылуы мүмкін. Модель дәл осы платформаны жаңа GLA және GLB-мен бөліседі деген болжам бар, алайда Mercedes-Benz оған қатысты ресми мәлімет бермеді.