Mercedes-Benz 1360 ат күшіне ие AMG GT XX концептісін көптеп өндіруі мүмкін

Mercedes-Benz AMG GT XX деп аталатын концептісін таныстырды. Ол — үш қозғалтқышы 1360 ат күшін беретін ультра заманауи электрокар. Ресми түрде прототип компания әртүрлі серіктесімен бірге әзірлеген ең жаңа технологиялар спектрін көрсетуге арналған, бірақ бейресми түрде ол AMG-дің алғашқы сериялық электрокары саналады. Шоукардың сериялық нұсқасы қазіргі AMG GT лифтбэгінің батареялы баламасы болады, машина 2026 жылы жарық көреді.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Ұзындығы 5.2 метр AMG GT XX-тің биіктігі 1317 метр ғана. Концептінің сырт пішіні One-Eleven прототипіне ұқсайды, ал ол жарты ғасыр бұрынғы C111 машиналарын еске түсіреді. Өлшеміне қарамастан концептінің кедергі коэффициенті небәрі 0.198 болады.

Бұған белсенді элементтері бар дөңгелек сияқты ерекше аэродинамикалық шешімдер әсер еткен.

Өзге дизайн ерекшеліктері қатарында шанақтағы электролюминесцентті бояу аймағы, шам ішіндегі ескерту динамигі және 700-ден аса элементтен тұратын шам арасындағы диодты панель бар. Ол сыртқы әлеммен байланысу тәсілі рөлін атқарады.

1 / 7

• 
• 
• 
• 
• 
• 
• 

1 / 7

AMG GT XX-тің интерьер архитектурасы виртуалды болид кокпитін еске салады. AMG One стиліндегі штурвал 10.25 және 14 дюймдік экраннан тұратын аспаптар панелімен үйлесіп тұр. Салон карбон және жаңа синтетикалық материал — биобылғарымен қапталған, соңғы материалдың бір элементі ескі шинаны қайта өңдеу арқылы жасалады.

Концептінің күштік құрылымы Yasa компаниясы әзірлеген үш электромотордан тұрады. Мұндай моторлар қуатты әрі шағын болады — стандарт қозғалтқыштың үштен екісіндей жеңіл әрі кіші. Әзірлеушілер концептінің ең жоғары жылдамдығы 360 км/сағ-тан асатынын хабарлады. Mercedes-Benz концернінің құрамына кіретін Yasa фирмасы жақында мұндай моторды жаппай шығаруды жоспарлап отыр.

AMG GT XX-пен бірге жарық көретін жаңа никель-кобальт-марганец-алюминий аккумулятор өзгеше энергия сақтау тығыздығымен ерекшеленеді. Ол алюминий корпуста орналасқан, элементтері лазермен дәнекерленген, әрбір жеке ұяшықтың өзінің салқындату контуры бар. Батареяның сыйымдылығы белгісіз, 850 кВт-қа дейінгі қуаттау тогын қабылдай алады әрі 5 минутта 400 км жол жүруге жететін энергия қорын жинайды. Mercedes-Benz мұндай қуаттау жылдамдығы дәстүрлі машинаға жанармай құю уақытымен шамалас екенін атап өтті.

AMG GT XX-тің тауар түріндегі нұсқасы қашан шығатынын белгісіз. Бірақ AMG.EA платформасындағы Porsche Taycan мен Audi e-tron GT-дің бәсекелесі биыл жыл аяғында жарық көреді деген бейресми ақпарат бар. Содан кейін қатарға осы платформада жасалған кроссовер қосылады.