Mercedes-AMG GT-дің 2 литрлік моторы бар нұсқасы шығады

Mercedes-Benz AMG GT моделінің кіші нұсқасын ұсынды. Машина SL 43 моторымен жүреді, бірақ қуаты көбірек. AMG GT 43 топтамадағы ең бюджеттік спорткар атанып отыр, бірақ бағасы қазірше белгісіз.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Mercedes-AMG GT 43-тің сырт пішіні өзгеше болады. Купе шағын ауа тартқышы бар, аэродинамикалық элементі аз жаңа бастырықпен ерекшеленеді. Артқы спойлер машина жылдамдығы сағатына 80 шақырымнан асқан кезде іске қосылады. Ал салонда тосынсый жоқ.

1 / 4

• 
• 
• 
• 

1 / 4

Спорткардың екі литрлік төрт цилиндрлі моторы турбоүрлем және 48 вольтты стартёр-генератормен толыққан. Қозғалтқыш 421 ат күші мен 500 Нм береді, электрлі «қосымша» тағы 14 күш қосады. Мотор AMG үшін дәстүрлі 9 сатылы автоматпен жұмыс істейді. Ескісінен айырмашылығы, машина тек артқы жетекті болады, бірақ электронды басқарылатын дифференциалды опция ретінде алуға мүмкіндік бар.

Жаңа өнім 4.6 секундта жүзге дейін жылдамдық алады, ең жоғары жылдамдығы — 280 км/сағ. Демек GT 43 алғашқы жүздікті GT 55-ке қарағанда бір секунд баяу еңсереді, ең жоғары жылдамдығы 15 км/сағ төмен.

Марка артқы жетекті әрі жеңіл жаңа өнімнің динамикасына емес, басқару мүмкіндігіне көп көңіл бөлген. Мысалы, купе аспасын жеңіл иінтірекпен жабдықтады, рөл механизмі де жаңарды. Қозғалтқыш тірегі мен қосымша аэродинамикалық элементтер опция ретінде қолжетімді.