Мұз айдыны маңындағы автотұрақ қана емес, оны бақылайтын камералар да алынды. Kolesa.kz редакциясына AParking компаниясы хабарлағандай, 22 қазаннан бастап «Медеудегі» автотұрақ тегін болды. Енді мұз айдыны жанындағы алаңға көлікті тегін қоюға болады. Бірақ аспалы жол аумағындағы шлагбаумды тұрақтар әлі де ақылы.
Жеңілдік қанша уақытқа созылатынын компания айтқан жоқ. Дегенмен тұрақ жабдықтарын алып тастағанын ескерсек, «Медеудегі» автотұрақ бір айдан аса тегін болатын шығар.
«Медеу» маңындағы тұрақ 2021 жылы көктемде ақылы болған. Бағасы — сағатына 100 теңге. AParking осы арқылы демалыс орны аумағын тәртіпке келтіруді көздеген.
Бұрын AParking компаниясына тиесілі болған барлық ақылы тұрақ қала меншігіне өтті. Мегаполист әкімдігі 1 тамызға дейін қаланың автотұрақ аймағын ұйымдастыратын бірыңғай оператор құруға уәде берген, бірақ бұл уәде әлі орындалған жоқ.
Комментариев: 0