«Медеуде» мотоцикл мен электровелосипед соғылды

Оқиға шілденің 2-сінен 3-іне қараған түні мұз айдынына баратын Керей, Жәнібек хандар көшесінде болған. Zakon.kz таратқан ақпаратқа сүйенсек, Yamaha маркалы мотоцикл мен электровелосипед «Медеу» жаққа бара жатып, бұрылыста соғылған.

Ескерту! Балағат сөздер бар!

Қатты соққыдан екі жүргізуші екі жаққа ұшып түсіпті. Электровелосипед бөлініп қалған. Оның бөлшектері он метрдей жерде шашылып жатыр. Мотоцикл жүз метрдей сырғып барып, тоқтаған көрінеді. Соған қарағанда тізгінші өте жоғары жылдамдықпен жүрген сияқты.

1 / 5

• 
• 
• 
• 
• 

1 / 5

Оқиғаны көзімен көрген куәгерлер табылмады, бірақ мотоцикл мен велосипедті жолай көзі шалған бірнеше тұрғын олар жай жүріп бара жатқанын айтқан. Апаттың мән-жайын криминалистер анықтайды.