Mazda екінші буындағы CX-5-ті толықтыратын орта көлемді CX-50 кроссоверін таныстырды. Жаңа автокөлік анағұрлым ірі әрі жолсыз жерде жақсы жүреді. Дизайны Kodo стилінде жасалған машинада артық декор, жылтыр дүние жоқ. Шеберлер шанақты айналдыра боялмаған пластиктен жасалған бастырық орнатып, төбесіне жүксалғыш қойыпты.
Капот астында екі нұсқадағы (атмосфералы және турбо) 2.5 литрлік бензинді Skyactiv-G тұрады. Біріншісі 190 ат күшіне (252 Нм) ие, екіншісі 230 күш пен 434 Нм момент береді. Екеуі де алты сатылы автоматпен жұптасады. Болашақта гибрид түрленімі жарық көреді.
CX-50 толық жетекті болады, i-ACTIV AWD трансмиссиясы дөңгелекаралық бұғатқа ұқсас қасиетке ие. Сонымен қатар жүргізуші үшін Mi-Drive жүріс режимдері қолжетімді.
Техникасына қатысты толық ақпарат пен бағасы көлік 2022 жылы АҚШ нарығына шыққанда белгілі болады. CX-50-ді басқа елдерге шығару Mazda жоспарында жоқ. Сондықтан Қазақстан тұрғындарына CX-5-ті қанағат етуге тура келеді.
Айтпақшы, Mazda CX-5-тің бағасы мен жиынтық түрлері туралы Kolesa.kz қосымшасынан ақпарат алуға болады.
Комментариев: 0