Tengrinews.kz порталы хабарлағандай, 31 қазан күні болған оқиға бейнебақылау камерасына түскен. Видео кадрларынан жүргізушінің педальді шатастырып, көлік жуатын бокстың қабырғасына соғылғаны байқалады. Сол сәтте оның алдында әріптесі тұрған. Апат салдарынан қыз аяғынан айырылды.
Toyota рөлінде 32 жастағы көлік жуушы отырыпты. Машинаны боксқа кіргізуді көлік иесі сұраған екен. Қызметкер сол сәтте мас болған. Автокөлік айып тұрағына жіберілді, қазір тергеу жүріп жатыр.
Бұл жағдайда тек мас жұмысшы ғана емес, көлік иесінің де жауапқа тартылатынын айта кеткен жөн. Әкімшілік кодекстің 608-бабында алкоголь ішіп, көлік жүргізген адам ғана емес, оған рөлді берген азаматтың да жазаланатыны жазылған. Заңға сай, «тойотаның» иесі жеті жылға жүргізуші куәлігінен қағылуы мүмкін.
Комментариев: 0