Әйгілі Mercedes-AMG SL 63 родстері тюнинг-ательенің сүйіктісі болып қала береді. Mansory соңғы уақытта көліктің бір емес, бірнеше нұсқасын шығарды. Брендтің ауқымы кең стилі арқасында нәтиже үмітті толығымен ақтады.
Сұр түске боялған купенің жалпақ шанағына әсерлі аэродинамикалық бастырық орнатылды. Шанақтағы радиатор торы, табалдырық, бампер, антиқанат және желдету саңылаулары бар мәрмәрша әрленген капот карбоннан жасалған. L тәрізді күндізгі жүріс шамдары алдыңғы ауа тартқыштың шетіне жайғасты.
Мамандар зауыттан 577 ат күшімен шыққан екі турбокомпрессоры бар төрт литрлік V8 қозғалтқышын 850 ат күшіне дейін жақсартты деп хабарлады Carscoops. Mansory бұл нәтижеге қалай жеткенін нақты айтпады. Алғашқы жүздікті 3.2 секундта еңсереді деген болжам бар.
Контраст сары акценті бар аквамарин түсті былғары салоны суреттің өзінен көзге түрпідей тиеді, бірақ сұр түсті экстерьерімен үйлескенде шынымен әдемі көрінеді. Уақыт өте келе ашық көк түс күн түскеннен өңі кетіп, сәл күңгірт тартады деп үміттенуге болады.
Комментариев: 0