Lynk&Co ұзаққа шабатын 07 EM-P седанын саудаға шығарды

Geely концерніне кіретін Lynk&Co бренді Қытай нарығына арналған 07 EM-P индексті жаңа седанының бағасын жариялады. Модельдегі аббревиатура оның күштік құрылымы гибрид екенін білдіреді. Lynk&Co 07 EM-P шамамен 169 800-189 800 юань (10.4-11.6 млн теңге) тұрады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Өлшемдері — 4827×1900×1480 мм, дөңгелек базасы — 2843 мм, жүксалғыш көлемі — 450 литр, дөңгелектері 18 немесе 19 дюйм болады. 07 EM-P 163 ат күші (255 Нм) бар 1.5 литрлік турбомотормен және 218 ат күші мен 350 Нм момент беретін электрлі қозғалтқышпен жүреді. Жалпы қуаты 381 ат күшін құрайды, максимал жылдамдығы — 190 км/сағ.

Седан 18.99 киловатт литий-темір-фосфатты батареямен жабдықталған, тек электр қуатымен 126 шақырымды еркін еңсереді. Аккумуляторын 27 минут ішінде 30-дан 80%-ға дейін қуаттауға болады. Жүріс қоры шамамен 1400 шақырымға жетеді.

1 / 9

• 
• 
• 
• 
• 
• 
• 
• 
• 

1 / 9

Lynk&Co 07 EM-P комплектациясына қарай былғарымен қапталған, жылыту, желдету және массаж функциясы бар орындықтармен, екі сымсыз қуаттағышпен, атмосфералы жарықпен және NFC арқылы құлыпты ашу функциясымен жабдықталады. Цифрлы аспаптар панелінің диагоналі 12.3 дюйм, ал ортаңғы 15.4 дюймдік медиажүйе дисплейі бұрылады. 92 дюймдік проекциялы экран және артқы жолаушыларға арналған екі 12.6 дюймдік алынбалы сенсорлы экран бар. Lynk&Co жаңа өнімге екінші деңгейлі жүргізуші ассистенті кешен орнатады.

Компания гибридті 20 мамырда жеткізе бастайды. Lynk&Co өзінің алғашқы электромобилін шығаруға дайындалып жатыр. Бренд Қытайға тиесілі болғанына қарамастан, Zero деген атау алады және оны Швецияда таныстырады. Lynk&Co Zero-ның жүріс қоры шамамен 750 шақырымға жетеді.