Lynk & Co 08 біздің елде қанша тұрады

Қазақстанда ресми сатылатын бензоэлектрлі модельдер топтамасы Lynk & Co 08-бен (ұзындығы 4.82 метр) толықты. Жаңа өнімнің тұсаукесері ақпанның аяғында өткен, бірақ ресми бағасы мамырда ғана жарияланып отыр.

1 / 9

• 
• 
• 
• 
• 
• 
• 
• 
• 

1 / 9

Автомобильдің екі нұсқасы болады. Олар 139 ат күшіне ие 1.5 литрлік турбомотор және 3DHT Evo гибрид блогы арқылы жүреді. Жүйенің жалпы қуаты — 350 ат күші мен 580 Нм, момент тек алдыңғы дөңгелектерге беріледі. Машина NMC батареясымен (39.6 кВт·сағ) жабдықталған, электр қуатымен 200 шақырымды еңсереді. Салмағы 2.1 тонна кроссовердің жалпы жүріс қоры 1100 км-ге жетеді. Айнымалы токпен толық қуаттау үшін 4.5 сағат қажет, ал жылдам станцияда энергия қорын 30-дан 80 %-ға дейін 28 минутта толтыруға болады.

Pro нұсқасы 21.9 млн теңге тұрады. Машина алдыңғы, бүйірлік және ортаңғы эйрбэг, қауіпсіздік пердесі, бейімді круиз-бақылау, жолақта ұстау және автоматты тежеу жүйесін қамтитын үздік көмекшілер кешенімен жабдықталған. Жабдықтар тізімінде екі аймақты климат-бақылау, 15.4 дюймдік медиакешен экраны, сегіз динамикті аудиожүйе, 10.2 дюймдік цифрлық аспаптар панелі, алдыңғы креслоны электрлі реттеу, жүксалғыш қақпағын электрлі ашу, барлық орындықты жылыту, алдыңғы орындықтарды желдету жүйелері және панорамалық шатыр бар.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Үздік Halo түрленімі Nappa былғарысымен қапталған кресло, 23 динамикті Harman Kardon аудиожүйесі, 21 дюймдік дөңгелек дискісі, үш аймақты климат-бақылау, бейімді матрицалы шам және автоматты күңгірттенетін салон айнасымен ерекшеленеді. Мұндай көліктің құны 22.9 млн теңге шамасында.