Li Auto Hyundai Staria стиліндегі минивэн шығарады

L9 кроссоверімен танымал Қытайдың Mega компаниясы футуристік дизайндағы минивэн дайындап жатыр. Бренд басшысы Ли Сян өзінің әлеуметтік желідегі парақшасында Li Mega-ның алғашқы суреттерін жариялады деп жазды CarNewsChina. Электрокардың жүріс қоры қызығатындай, батареясы тез қуатталады.

Li Mega-ның көлемді пішіні және тік алдыңғы бөлігі Hyundai Staria-ны еске түсіреді. Вэн өзгеше алдыңғы тірегі, үлкен алдыңғы әйнегі және көлденең жолағы бар қырлы отпикамен ерекшеленеді. Болжам бойынша дизайнының арқасында Mega осы сегменттегі аэродинамикалық модельдің бірі болады.

Автомобиль тез қуаттау жүйесі бар Whale жаңа платформасына негізделген. Кей мәлімет бойынша «Меганы» 500 киловаттық қуаттау станцияларына жалғауға болады екен. Осының арқасында көлікті небәрі 22 минутта 600 шақырым жол жүретіндей қуаттауға болады. Жүз киловаттық батареяны атақты CATL фирмасы жасаған. Сонымен бірге машинада жақсарған жүргізуші ассистентінің жинағы бар. Бірінші суреттен төбесінде лидар жасырылған қондырманы көресіз.

Ресми тұсаукесер желтоқсанға жоспарланған. Бағасы — 500 мың юань (32.5 млн теңге).

Қазір Li Auto жергілікті нарықта L7, L8 және L9 индексті әртүрлі көлемдегі үш гибрид кроссовер саудалап жүр. Алматы көшелерінде де автомобильді кездестіруге болады. Kolesa.kz-те мұндай модельдер қаптап тұр. Қыркүйекте стартап 36 000 автомобиль өткізсе, қазанда бұл көрсеткіш 40 мыңға жетеді деп үміттенеді. Компания жаңа сегментке шығып, сауда көлемін арттырғысы келетіні айтпаса да белгілі.

2025 жылы Li Auto топтамасында бес электромобиль болу керек.