Land Rover жаңа Freelander-ді көрсетті

Жаңа кроссовердің ресми атауы — Freelander 8. «8» санының модель буынына қатысы жоқ, өйткені бұған дейін небәрі екі буын жарық көрді. Жаңа «фрилендердің» шықпағанына он жылдан асты. Сегіз Қытайда сәттілік пен өркендеудің символы саналады. Марка жаңа өнімді Chery-мен бірлесіп әзірледі. Бастапқы британиялық болмысынан атауы ғана қалған сияқты.

1 / 3

• 
• 
• 

1 / 3

Ұзындығы 5.1 метр, ені 2 метрден асатын Freelander 8 көлемі жағынан қазіргі Defender 110-мен шамалас. Дегенмен артқы тіректердің пішіні, бүйіріндегі бедері және қырлы фарының арқасында дизайны өткен буындарға ұқсайды.

Компания Freelander 8-ді электромобиль немесе гибрид ретінде ұсынады, себебі ол батареялы машинаға арналған Chery-дің 800 вольттық E0X платформасына (BEV, PHEV, EREV) негізделген. iMax нұсқасы астын қорғағыш және жолсыз жерде пайдалануға бейімделген CATL батареясын алған. Оны 350 кВт токпен жылдам қуаттауға болады.

1 / 9

• 
• 
• 
• 
• 
• 
• 
• 
• 

1 / 9

Салонда алдыңғы әйнектің астын бойлай орналасқан дисплей ақпарат пен навигацияны көрсетеді. Үлкен мультимедиа планшеті ортаңғы консольдің төменгі бөлігінде тұр. Жүргізуші мен алдыңғы жолаушы отыратын орындықта «нөлдік гравитация» режимі бар. Huawei және Qualcomm серіктестері көлікті борттық электроникамен, соның ішінде лидарлы автопилотпен жабдықтаған.

1 / 5

• 
• 
• 
• 
• 

1 / 5

Freelander 8 туралы толық мәлімет жазда шығады, марка оны күзде сата бастайды. Автомобиль Қытайда жасалады және сол нарыққа арналған. Chery Jaguar Land Rover бірлескен кәсіпорны алдағы бес жылда тағы алты «фрилендер» құрастыруды жоспарлап отыр. Өйткені енді ол Land Rover топтамасына кірмейтін, өз логотипі бар жеке бренд.