Land Rover Discovery Sport енді шықпайды

2014 жылы нарыққа шыққан және 2019 жылы бір рет рестайлингтен өткен Land Rover Discovery Sport-тың өндірісі тоқтайды. JLR компаниясының өкілі Autocar басылымына берген сұхбатында бұл машинаның соңғы экземпляры биыл желтоқсанда шығады деді.

1 / 5

• 
• 
• 
• 
• 

1 / 5

Discovery Sport-тың конвейерден кетуіне тек сауда көлемінің төмендеуі емес, сонымен қатар Еуроодақта шілдеден бастап күшіне енген қауіпсіздік талаптарының қатаңдауы себеп болып отыр. Жаңа ережеге сәйкес автомобильдер заманауи автоматты тежеу жүйесімен және жүргізушінің назарын бақылау жүйесімен жабдықталуға тиіс. Discovery Sport мұндай жүйелермен жабдықталмаған.

Көліктің тікелей ізбасары әзірге жоқ. Autocar басылымының мәліметінше компания аталған модельді алғысы келетін клиенттерді болашақта шығатын Defender Sport-қа бағыттамақшы.