АВТОВАЗ баспасөз қызметі «Lada Ижевск» зауытында шығарылатын Lada Vesta моделінің 450 000 данасы жарық көргенін хабарлады. Бұл межені бағындыру үшін компания бес жылдай уақыт жұмсады.
Cross нұсқасындағы универсал мерейтойлық көлік атанды. Luxe жиынтығындағы көк түсті машинаға Renault — Nissan альянсының 113 ат күшіне ие 1.6 литрлік моторы мен Jatco вариаторы орнатылған. Компания мамандары топтамаға 2017 жылы қосылған универсалдың сұраныс бойынша екінші орында екендігін атап өтті.
Lada Vesta Қазақстандағы ең көп сатылатын темір тұлпар емес, бірақ оның 9 мыңға жуығы Өскемендегі «Азия Авто» зауытында құрастырылған.
2020 жылдың мамыр айындағы нәтиже бойынша, модель үздіктер тізімінде бесінші орынға жайғасты. Мамырда бұл үлгінің 334 данасы сатылса, жыл басынан бері 1.3 мыңы өз иесін тапты.
Комментариев: 0