Ресейде жаңа Lada Largus универсалының иелері рөл басқару жүйесіне жаппай шағымданып жатыр деп жазды Mash.
Ауа температурасы төмендегендіктен автомобильді іске қосқанда рөл әрең бұрылады немесе қатып қалады екен. 2025 жылы шыққан, 10 мың шақырымнан көп жүрмеген көлік иелерінен көп арыз түсіпті.
АВТОВАЗ мәселе туындаған жағдайда тұтқыр сұйықтық құйып, машинаны әрі қарай пайдалануға кеңес берді. Зауыт журналистерге берген түсініктемесінде осы тектес арыз көп емес, мәселені дилерлік орталық шешіп жатыр деп мәлімдеді.
Mash мәліметінше көлік иелері сұйықтықты ауыстырғанның өзінде нәтиже байқамаған.
Lada Largus өндірісі 2022 жылы шетелдік бөлшектер таусылған соң тоқтады. Себебі модель Renault бөлшектеріне тәуелді еді. «Ларгус» былтыр мамырда конвейерге қайта тұрды. Кәсіпорын оны Тольяттиден бұрын Vesta шыққан Ижевскігедегі зауытқа көшірді.
Комментариев: 0