Биыл маусымда Петербургте өткен халықаралық форумда Lada айналма жолда сынға түсетін
Компания жазда болидтің бірқатар сипаттамасына тоқталған, енді құны белгілі болды. Қуатты машина 6 950 000 рубль (шамамен 37 млн тг) тұрады.
Седанды артындағы ірі диффузоры бар жалпақ аэродинамикалық қондырмасынан, жүксалғыш қақпағындағы ықшам антиқанаты мен төмен профильді шинасынан танисыз. Салонында қауіпсіздік каркасы, көп нүктелі белдігі бар екі кресло, спорттық аспаптар панелі және жарыста пайдаға жарайтын түрлі атрибут тұр.
Автомобиль 218 ат күші мен 280 Нм момент беретін 1.6 литрлік турбомотормен жүреді. Тартым алдыңғы дөңгелектерге 6 сатылы секвентал қорап арқылы беріледі. TMS Boost жүйесінің көмегімен күштік құрылымның қуатын уақытша 240 ат күшіне дейін арттыруға болады екен.
Авто.ру журналы АВТОВАЗ өкілдері Lada Iskra Cup Fest фестивалінде осы модель қатысатын жарыс туралы ақпарат берді деп жазды. 2027 жылы Ресейде Moscow Raceway, «Казань Ринг», «Игора Драйв» және «Нижегородское кольцо» сериялары өтеді. Алғашқы сайыс мамырдың ортасында басталады, оған қатысу үшін 210 мың рубль (1.1 млн теңгеге жуық) төлеу керек.
Комментариев: 0