Қазір «ҰАТ» АҚ көліктің электронды төлқұжатын рәсімдеу барысында темір тұлпарға қатысты оның иесі, техникалық тексерістен өткені, утилизациялық алым төленгені, жол-көлік оқиғасына қатысқаны туралы мәліметтер мен КҚТК, көлік құралының типін мақұлдау құжатындағы және кейбір мемлекеттік органдардың базасындағы деректер сақталатын ақпараттық жүйе әзірлеп жатыр.
Kolesa.kz тілшісіне ҚР ИИДМ баспасөз қызметі хабарлағандай, электронды құжаттың мынадай артықшылығы бар:
- көлікке қатысты ресми ақпарат көздерінен алынған деректерге негізделген шынайы мәлімет;
- заңсыз не күдік тудыратын машинаны сатып алу қаупінің төмендеуі;
- электронды төлқұжатты жоғалтып алу мүмкін емес және қайта қалпына келтірудің қажеті жоқ;
- көлікке иелік еткендер санына жүйелі мониторинг жасау мүмкіндігі;
- автокөлікке қатысты қосымша мәлімет енгізу мүмкіндігі.
Ел аумағына кірген жаңа машиналарды бастапқы тіркеу барысында электронды төлқұжат рәсімдеу шарасы 2021 жылдың 1 сәуірінде басталуы тиіс. Одан бөлек көлік иесіне әдеттегі техникалық құжат беріледі. Электронды төлқұжат машинаны қайта тіркегенде де беріледі. Бұл қызмет ақылы болады, бірақ бағасы әзірше белгісіз.
Электронды құжатты енгізу мерзімінің алғаш рет өзгеріп тұрмағанын айта кеткен жөн. Бір жыл бұрын шенділер ол 2020 жылдың 1 қарашасында беріледі деп уәде берген еді.
Комментариев: 0