Көлік салығын қалай есептейді

Қаржы министрлігінің Мемлекеттік кірістер комитеті берген дерекке сүйеніп, Kolesa.kz оқырмандары жиі қоятын сұрақтарға жауап береміз.

Сатылған машинаның салығы қалай есептеледі?

Көліктің бұрынғы иесі төлейтін сома меншік құқығын алған айдың 1-інен сол құқық басқа кісіге өткен айдың 1-іне дейінгі кезеңге сәйкес есептеледі. Яғни, машина меншігіңізде болған уақыт үшін ғана төлем жасайсыз.

Мысалы, автомобильді 2023 жылдың 10 сәуірінен 20 тамызына дейін тізгіндесеңіз, 4 айға салық төлеу қажет болады.

Автомобиль сатып алғанда қанша салық төлеу қажет?

Машинаның жаңа иесі оны сатып алған айдың басынан салық кезеңі аяқталғанша немесе өзі сатқан айдың 1-іне дейінгі уақыт үшін берешек болады.

Басқаша айқтанда, автомобиль 2023 жылдың 30 не 31 желтоқсанында тіркелсе де, бір айға салық төлеуге міндеттісіз.

Жүргізушілер былтырғы көлік салығын биыл 1 сәуірге дейін төлеуге тиіс.