Қазақстанда көлік салығын 1 сәуірге дейін төлеу керек. Одан кейін борышкерге айыппұл салынады. Бірақ кейде салық төлеу қиынға соғады. Мемлекеттік кірістер комитеті немесе банктердің мәлімет базасында техникалық ақау болып тұрады. Демек, салық есептелмей немесе қате есептеліп кетуі мүмкін. Ендеше, салық берешегі бар-жоғын қалай тексеруге болады?
Қаржы министрлігі Мемлекеттік кірістер комитетінің сайтынан
Ол үшін kgd.gov.kz сайтына кіресіз. Бұл ресурста авторизация қажет емес. Одан әрі "Басты бет"/"Электрондық сервистер"/"Бизнеске көмек"/"Салықтық берешегінің жоқ (бар) екендігі туралы мәліметтер" бөлімдеріне өту керек.
Ашылған бетке ЖСН немесе БСН енгізіп, робот емес екеніңізді растайсыз, содан соң салық немесе өзге қарызыңыз бар болса, төлейтін сома көрсетілген кесте шығады. Ал қарыз болмаса, жоқ деген ақпарат аласыз.
«Азаматтарға арналған үкімет» порталынан
Алдымен eGov.kz сайтына өтіп, ЭЦҚ арқылы жүйеге кіру қажет. Содан соң "Басты бет"/"Азаматтарға"/"Кеден және салықтар"/"Салық салу" бөлімдеріне өтесіз. «Есебі мемлекеттік кірістер органында жүргізілетін берешектің жоқ (бар) екендігі туралы мәліметтерді беру» қызметін таңдайсыз. Одан кейін оң жақ жоғарғы бұрышта тұрған «Онлайн сұрау» батырмасын басасыз. Ашылған беттегі барлық жолды толтыру керек.
Өтінішке ЭЦҚ немесе
Kaspi.kz мобильді қосымшасы арқылы
Банк қосымшасындағы "Төлемдер"/"Барлығы"/"Айыппұл, салық"/"Салық"/"Салық бойынша борыш" бөліміне өту қажет. ЖСН-іңіз автоматты пайда болады. Егер шықпаса, өзіңіз енгізесіз. Әрі қарай «Тексеру» батырмасын басып, салықтың түрі, сомасы және ықтимал өсімпұл туралы ақпарат алыңыз.
Комментариев: 0